Баспасөз хабарламалары

2024 жылғы Жаһандық инвестициялық форум аясында Қазақстандық инвестициялық дөңгелек үстел барысында 7 миллиард доллар сомасына 31 құжатқа қол қойылды. Іс-шара серіктестері ретінде «ACWA Power», «GE Healthcare», «Ultradecor», «CHN Energy», «Alstom», «Fufeng», «Нобел АФФ» АҚ, «Carlsberg» және «Жетісу Вольфрамы» ЖШС секілді компаниялар қатысты. Келісімдер экономикадағы маңызды салаларда, оның ішінде ауыл шаруашылығы, энергетика, білім беру, көлік және т.б. салаларда стратегиялық серіктестікті дамытуға бағытталған.

Ақмола облысы әкімдігі, KAZAKH INVEST және Қытайдың «Dalian Hesheng Holding Group» компаниясы өңірдегі азық-түлік қауіпсіздігін қамтамасыз ету және елдің агроөнеркәсіп кешенін дамытуға бағытталған бидайды терең өңдеу жобасын жүзеге асыру мақсатында 650 миллион долларға келісім жасады. Астана қаласының әкімдігі мен «Kazak Protein» ЖШС 204 миллион долларға бидайды терең өңдеу зауытын салуды көздейтін меморандумға қол қойды. KAZAKH INVEST және Таяу Шығыстың азық-түлік өнеркәсібіндегі ірі компаниялардың бірі «Solico Group» 150 миллион доллар сомасына картоп фри өндіретін зауыт құрылысы туралы ынтымақтастық меморандумына қол қойды.

Энергетика саласында Қазақстан Республикасы Өнеркәсіп және құрылыс министрлігі мен «CHN Energy» 4 миллиард доллар сомасына көмір-химиялық өнім шығаратын жобаны жүзеге асыру жөнінде келісімге қол жеткізді. «SILK WAY ENERGY LTD» компаниясы мен ҚР Үкіметі арасында қол қойылған келісім Жетісу облысында 305 миллион доллар инвестиция көлемімен сұйытылған табиғи газ зауытын салуды көздейді. Жаңартылатын энергияны дамыту аясында «Neptune Wind» ЖШС-мен 72,3 миллион доллар сомасына қуаты 90 МВт болатын жел электр станциясын салу туралы келісімге қол жеткізілді. Сондай-ақ, Батыс Қазақстан облысы әкімдігі мен «Hyundai Solar KZ 777» компаниясы 167 миллион доллар сомасына күн электр станциясын, қоқыс өңдеу кешенін, қоқыс жағу кешенін және модульдік жылыжай кешенін салуды көздейтін ынтымақтастық меморандумына қол қойды.

Құжаттардың бір бөлігі әлеуметтік ынтымақтастықты дамытуға бағытталған. Оның ішінде «Назарбаев Университеті» және «АстраЗенека Ю-Кей Лимитед» өкілдігі арасындағы келісім бар, ол Қазақстанда оқыту, ғылыми-инновациялық және зерттеу қызметін дамытуға, кадрларды дайындау және қайта даярлау сапасын арттыруға бағытталған. Астана қаласы әкімдігі мен «Freedom Шапағат» корпоративтік қоры 10 миллион доллар сомасына Астана қаласында француз мектебін салуды көздейтін ынтымақтастық меморандумына қол қойды. Цифрлық салада Астана қаласының әкімдігі мен «Freedom Telecom» ЖШС арасында 225 миллион долларға заманауи деректерді өңдеу орталығын құру туралы меморандумға қол қойылды.

Көлік және логистика саласында Павлодар облысы әкімдігі мен «RAIL WAY» компаниясы арасында 433,3 миллион долларға электр металлургия зауытын салуды көздейтін ынтымақтастық туралы меморандум маңызды болып табылады.

Қол қойылған құжаттар тізімі:

1. Ақмола облысының әкімдігі, KAZAKH INVEST және Dalian Hesheng Holding Group арасында 650 млн долларға бидайды терең өңдеу бойынша стратегиялық ынтымақтастық туралы келісім;

2. 4 млрд долларға Қазақстан Республикасы Индустрия және құрылыс министрлігі, KAZAKH INVEST және CHN Energy арасындағы көмір химия өнімдерін өндіру бойынша стратегиялық ынтымақтастық туралы келісім;

3. «Orhun Medical» ЖШС мен Қазақстан Республикасының Үкіметі арасындағы Қазақстан Республикасының медициналық қызметтері мен денсаулық сақтау инфрақұрылымын жақсартуға инвестициялар туралы 80 млн долларға келісім;

4. «SILK WAY ENERGY LTD» жеке компаниясы мен Қазақстан Республикасының Үкіметі арасындағы табиғи газды сұйылту зауытының құрылысына 305 млн долларға инвестиция салу туралы келісім;

5. «ҚТЖ» ҰК» АҚ мен «Transportation Globe» жауапкершілігі шектеулі серіктестігі арасындағы 10,4 миллион долларға жобаны жүзеге асыру туралы келісім;

6. 100 млн долларға «Carlsberg Kazakhstan» ЖШС мен Қазақстан Республикасы Ауыл шаруашылығы министрлігі арасындағы Қазақстан Республикасында алкогольсіз сусындар шығаратын зауыт салу жобасының негізгі қағидаттары туралы негіздемелік келісім;

7. «Шин-Лайн» ЖШС мен Қазақстан Республикасы Сыртқы істер министрлігі арасындағы азық-түлік кластерін құрудың негізгі қағидаттары туралы негіздемелік келісім;

8. Қостанай облысының әкімдігі мен «Tech Digital» ЖШС арасындағы негізгі қағидаттар туралы келісім;

9. Батыс Қазақстан облысының әкімдігі мен «Hyundai Solar KZ 777» ЖШС арасында 167 млн ​​долларға күн электр станциясын, қалдықтарды қайта өңдеу кешенін, қалдықтарды өртеу кешенін және модульдік жылыжай кешенін салу бойынша ынтымақтастық туралы меморандум;

10. «Отбасы Банкі» АҚ мен Азия Даму Банкі арасындағы Қазақстан Республикасында инклюзивті және жасыл тұрғын үйді қаржыландыруды ілгерілету және өзара түсіністік туралы меморандум;

11. 100 млн АҚШ долларына Қазақстан Республикасы Денсаулық сақтау министрлігі мен WEIGAO Medical International арасындағы инвестициялық жобаларды бірлесіп жүзеге асырудағы стратегиялық ынтымақтастық туралы келісім;

12. Назарбаев Университеті мен AstraZeneca UK Limited компаниясының Қазақстан Республикасындағы өкілдігі арасындағы білім беру, ғылыми-инновациялық және ғылыми-зерттеу қызметін дамытуға, кадрларды даярлау және қайта даярлау сапасын арттыруға бағытталған ынтымақтастық туралы келісім;

13. Астана қаласының әкімдігі мен «Freedom Шапағат» корпоративтік қоры арасындағы 10 млн долларға Астана қаласында француз мектебін салу бойынша ынтымақтастық туралы меморандум;

14. Астана қаласы әкімдігі мен «Freedom Telecom» ЖШС арасында 225 млн долларға «Деректерді өңдеу орталығы» құрылысы бойынша ынтымақтастық туралы меморандум;

15. Астана қаласының әкімдігі мен «Kazak Protein» ЖШС арасында 204 млн долларға Астана қаласында бидайды терең өңдеу зауытын салу және пайдалану бойынша ынтымақтастық туралы меморандум;

16. Шымкент қаласының әкімдігі мен «Shymkent Dehui Gelatin Co., Ltd» ЖШС арасында желатин өндіру бойынша 13,3 млн долларға ынтымақтастық туралы меморандум;

17. Шымкент қаласының әкімдігі мен «INTERTRANS C.A.» ЖШС арасындағы мұнай-химия зауытын салу бойынша өзара түсіністік және ынтымақтастық туралы меморандум (153 млн доллар);

18. 3 млн долларға Қызылорда облысының әкімдігі мен «Muhendislik Medikal A.S» компаниясы арасындағы пневматикалық пошта жүйесін өндіру бойынша ынтымақтастық туралы меморандум;

19. Қызылорда облысының әкімдігі мен Rubicon Water арасында су ресурстарын басқарудың автоматтандырылған қақпаларын құрастыру бойынша ынтымақтастық туралы меморандум;

20. Павлодар облысының әкімдігі мен «RAIL WAY» ЖШС арасындағы электрометаллургиялық зауыттың құрылысы бойынша 433,3 млн долларға ынтымақтастық туралы меморандум;

21. Маңғыстау облысының әкімдігі мен «Gold Sunray Ecology» ЖШС арасындағы қатты тұрмыстық қалдықтарды сұрыптау және қайта өңдеу кешенін салу бойынша 51,5 млн долларға ынтымақтастық туралы меморандум;

22. Маңғыстау облысының әкімдігі мен «Stellar Energy» ЖШС арасында 10 млн долларға күн электр станциясын салу бойынша ынтымақтастық туралы меморандум;

23. Абай ауданының әкімдігі мен «Neptune Wind» ЖШС арасындағы жел электр станциясының құрылысы бойынша 72,3 млн долларға ынтымақтастық туралы меморандум;

24. Ақтөбе облысының әкімдігі мен «МКС Восток» ЖШС арасында 30 млн долларға шағын метанол өндіретін зауыт құрылысы бойынша ынтымақтастық туралы меморандум;

25. Солтүстік Қазақстан облысындағы «Қызылжар» АЭА басқарушы компаниясы мен «Ultradecor Trading Kazakhstan» ЖШС арасындағы ағаштан құрылыс материалдарын өндіру бойынша 82,8 млн.АҚШ долларына ынтымақтастық туралы меморандум;

26. «Шнайдер Электрик» және «Электр энергетикасын дамыту және энергия үнемдеу институты» АҚ арасындағы стратегиялық ынтымақтастық туралы келісім;

27. KAZAKH INVEST пен Верный Капитал арасындағы ынтымақтастық туралы меморандум;

28. KAZAKH INVEST, Алматы облысының әкімдігі және «Alatau Green Production» компаниясы арасында 35 млн долларға жылыжай кешенін салу бойынша ынтымақтастық туралы меморандум;

29. KAZAKH INVEST пен Volvo Group арасындағы Қазақстан Республикасындағы сервистік-өндірістік нысанның құрылысы бойынша 7 млн ​​долларға ынтымақтастық туралы келісім;

30. KAZAKH INVEST пен Solico Group арасында 150 млн долларға картоп өндіретін зауыт салу бойынша ынтымақтастық туралы меморандум;

31. KAZAKH INVEST пен Қазақстанның еркін (арнайы) экономикалық аймақтар қауымдастығы арасындағы арнайы экономикалық аймақтардың аумағына инвестициялық жобаларды тарту саласындағы ынтымақтастық туралы меморандум.