Олжас Абайұлы Бектенов
Қазақстан Республикасы Премьер-Министрі
Өмірбаяны
Олжас Абайұлы Бектенов
Қазақстан Республикасы Премьер-Министрі
1980 жылы Алматы қаласында дүниеге келген.
Қазақ мемлекеттік заң академиясын заңгер мамандығы бойынша бітірген (2001).
Еңбек жолын 2002 жылы Алматы қаласы Әділет басқармасы бөлімінің бас маманы ретінде бастаған.
2005-2006 жылдары — ҚР Премьер-Министрі Кеңсесінде заң бөлімінің сарапшысы, бас сарапшысы.
2006-2009 жылдары ҚР Президентінің Әкімшілігінде қызмет істеді.
2009-2012 жылдары — ҚР Әділет министрлігінің Тіркеу қызметі және құқықтық көмек көрсету комитеті төрағасының орынбасары.
2012-2014 жылдары — ҚР Экономикалық қылмысқа жəне сыбайлас жемқорлыққа қарсы агенттігінің (қаржы полициясы) орталық аппаратында департамент бастығы.
2015-2016 жылдары — Астана қаласы әкімінің аппарат басшысы, ҚР Президенті Әкімшілігінің басшысы хатшылығының меңгерушісі.
2016-2017 жылдары — Сыбайлас жемқорлыққа қарсы іс-қимыл ұлттық бюросының (Сыбайлас жемқорлыққа қарсы қызмет) Астана қаласы бойынша департаменті басшысы.
2017-2018 жылдары — Ақмола облысы әкімінің орынбасары.
2018-2019 жылдары — ҚР Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының орынбасары.
2019-2022 жылдары — ҚР Сыбайлас жемқорлыққа қарсы іс-қимыл агенттігі төрағасының бірінші орынбасары.
2022 жылдың ақпанынан 2023 жылдың сәуіріне дейін — Қазақстан Республикасының Сыбайлас жемқорлыққа қарсы іс-қимыл агенттігінің төрағасы.
2023 жылдың 3 сәуірінде Мемлекет басшысының Жарлығымен Қазақстан Республикасы Президенті Әкімшілігінің басшысы болып тағайындалды.
2024 жылғы 6 ақпанда ҚР Президентінің Жарлығымен Қазақстан Республикасының Премьер-Министрі болып тағайындалды.
ІІ дәрежелі «Айбын» (2014) және «Даңқ» (2021) ордендерімен наградталған.
Әлібек Сакенұлы Қуантыров
Қазақстан Республикасы Сыртқы істер министрінің орынбасары
Өмірбаяны
Әлібек Сакенұлы Қуантыров
Қазақстан Республикасы Сыртқы істер министрінің орынбасары
1983 жылғы 14 қарашада Атырау қаласында дүниеге келген. 2006 жылы Томск мемлекеттік университетін «Қаржы және несие» және «Лингвистика және мәдениетаралық коммуникация» мамандықтары бойынша бітірген. 2010 жылы Мичиган университетінде «Болашақ» бағдарламасы бойынша қолданбалы экономика магистрі дәрежесін алды.
Еңбек жолын 2005 жылы Қазақстан Республикасы Экономика және бюджеттік жоспарлау министрлігінің Ішкі әкімшілік департаментінің, Халықаралық қатынастар департаментінің жетекші маманы ретінде бастады. 2006 жылдан 2010 жылға дейін ҚР ЭБЖМ және ЭДСМ Инвестициялық саясат және жоспарлау департаментінде сарапшы және бас сарапшы болып жұмыс істеді.
2010 жылдан бастап ҚР Экономикалық даму және сауда министрлігінде Стратегиялық жоспарлау және талдау департаменті Стратегиялық әзірлемелер басқармасының бастығы және ҚР Қаржы министрлігінде Бюджеттік саясат және жоспарлау департаменті директорының орынбасары қызметтерін атқарды.
2013 жылғы ақпанда ҚР Индустрия және жаңа технологиялар министрлігі Геология және жер қойнауын пайдалану комитеті төрағасының орынбасары, ал 2013 жылғы маусымнан 2019 жылғы сәуірге дейін Стратегиялық әзірлемелер және талдау орталығы меңгерушісінің орынбасары, ҚР Президенті Әкімшілігінің Әлеуметтік-экономикалық мониторинг бөлімі меңгерушісінің орынбасары болып қызмет атқарды.
2019 жылдың сәуірінен 2021 жылдың ақпанына дейін ҚР Тұңғыш Президенті Кеңсесінің талдау бөлімі меңгерушісінің орынбасары қызметін атқарды.
2021 жылғы ақпанда Ұлттық экономика вице-министрі, ал 2022 жылғы қаңтардан 2024 жылғы ақпанға дейін ҚР Ұлттық экономика министрі болды.
Басқа лауазымдар:
– «Самұрық-Қазына» Ұлттық әл-ауқат қоры» АҚ Директорлар кеңесінің мүшесі (11.01.2022-06.02.2024).
– «Бәйтерек» Ұлттық басқарушы холдингі» АҚ Директорлар кеңесінің мүшесі (04.02.2022 - 06.02.2024).
– «Астана» халықаралық қаржы орталығы» Басқарма кеңесінің мүшесі (11.01.2022-06.02.2024);
– «KAZAKH INVEST» Ұлттық компаниясы» АҚ Директорлар кеңесінің мүшесі (11.01.2022 - 06.02.2024).
– «Экономикалық зерттеулер институты (ERI)» Директорлар кеңесінің төрағасы (11.01.2022 - 06.02.2024).
Қазақстан Сыртқы істер министрінің орынбасары болып тағайындалғанға дейін 2024 жылдың сәуірінен бастап «KAZENERGY» қауымдастығының бас директоры болды.
Ағылшын, испан және неміс тілдерін меңгерген.
Ғабидолла Абдуллаұлы Оспанкулов
Қазақстан Республикасы Сыртқы істер министрлігі Инвестициялар комитетінің төрағасы
Өмірбаяны
Ғабидолла Абдуллаұлы Оспанкулов
Қазақстан Республикасы Сыртқы істер министрлігі Инвестициялар комитетінің төрағасы
2002 жылы Қазақ мемлекеттік заң университетін, 2007 жылы Қазақстан-Ресей университетін және Бирмингем университетін бітірген.
Еңбек жолын 1999 жылы «Евразия Консалтинг» ЖШС-де заңгер көмекшісі ретінде бастаған. 2002-2010 жылдары ҚР Парламенті Сенатында және ҚР Президентінің Парламенттегі Өкілдігінде әртүрлі қызметтер атқарған. 2010-2019 жылдары Екібастұз қаласы мен Батыс Қазақстан облысы әкімінің орынбасары, сондай-ақ ҚР Білім және ғылым министрлігінде басшылық қызметтерде жұмыс істеген.
2019 жылы «NurOtan» партиясының хатшысы болған. 2019-2020 жылдары ҚР Ақпарат және қоғамдық даму вице-министрі, 2021-2024 жылдары Мемлекеттік инспектор, ҚР Президенті Әкімшілігінің Мемлекеттік бақылау және аумақтық-ұйымдастыру жұмысы бөлімінде меңгерушінің орынбасары және бөлім меңгерушісі қызметтерін атқарған. 2023-2024 жылдары Қазақстан Республикасы Үкіметі Аппараты Басшысының Бірінші орынбасары қызметін атқарған.
Инвестициялар комитетінің төрағасы болып тағайындалғанға дейін Қазақстан Республикасы Премьер-Министрінің кеңесшісі болған.